成日都有人問我有咩Sake好飲？依家興飲咩清酒？除咗有上清酒唎酒師同清酒文憑之外，其實我都係跟尖沙咀呢間清酒吧Sake Bar MURA學嘢咋。佢兩位老細真係好似人肉清酒百科咁，只要你肯問，佢都一定介紹到啱你嘅嘢俾你。呢度長期都入5-60款酒，選貨定期更新，跟足東京最潮Sake吧動向，由當紅大熱貴酒好似而今、花陽浴、新政，到重口實驗作品都有，最正係全部都係by glass，唔使開一枝驚飲唔晒或者唔啱飲。所以無論你係Sake新手老手，定期嚟呢度補下習就啱啦😛🍶。