偷偷地同大家講一個秘密，其實我係一個「文青」嚟🙂。😟不過我諗講你地都係唔信，所以今日嚟咗間文青Cafe，呀唔係，係酒吧飲酒睇書。原來開咗好多間Cafe嘅牧羊少年都踩咗入酒界，係尖沙咀文化中心開咗佢地第一間酒吧Bar Lemna 牧羊少年和他的浮萍 ，店名Lemna解做浮萍，寓意隨水漂流。佢地嘅Cocktail主打漸層，以花果同埋佢地最拿手嘅茶啡為主打，易入口得嚟又夠驚喜。佢地有意將呢度打造成酒精、藝術、音樂、文化嘅交匯點，不定期都會係度搞文化活動，需要酒精嘅文青係時候出動啦🤭